Píldora Seguridade: Vishing: coidado coas chamadas
Boas prácticas en seguridade da información
PÍLDULAS FORMATIVAS
Boas prácticas en seguridade da información
Vishing: coidado coas chamadas
Nun intento de vishing, unha persoa faise pasar por unha entidade de confianza para conseguir contrasinais, códigos de verificación ou outra información sensible mediante unha chamada.
Que é o vishing?
O vishing é unha fraude telefónica baseada na enxeñaría social. A persoa que chama pode aparentar ser do soporte técnico, dun banco ou dun provedor e utilizar urxencia ou datos reais para que actuemos sen comprobar a solicitude.
Urxencia
Presiónanche para actuar de inmediato, con ameazas ou promesas de solucións rápidas.
Suplantación
Poden aparentar ser un contacto coñecido ou chamar desde un número aparentemente lexítimo.
Credenciais
O obxectivo adoita ser obter contrasinais, códigos dun só uso ou datos sensibles.
Exemplo: se recibes unha chamada inesperada na que che solicitan un código de verificación ou instalar un programa, non facilites ningún dato. Colga e comproba a solicitude mediante o teléfono ou a canle oficial da organización.
Como actuar con seguridade?
✓ SI
- • Non compartas contrasinais, códigos nin información sensible.
- • Colga e verifica a solicitude por unha canle oficial independente.
- • Comunica o intento ao CAU ou ao equipo de seguridade.
✕ NON
- • Non confíes só no número desde o que recibes a chamada.
- • Non instales programas por indicación dunha chamada inesperada.
- • Non devolvas a chamada a números facilitados pola persoa que contacta.
Mensaxe clave: ante unha chamada inesperada, detente, verifica e comunica. Ningunha entidade lexítima debe pedirche credenciais ou códigos de acceso por teléfono.