Premio Capital Europea do Turismo 2027 para destinos con 25.000 a 100.000 habitantes - 12/06/2026
Convocatoria:
O Premio Capital Europea do Turismo 2027 recoñece as prácticas de turismo ecolóxico e sostible en dúas categorías, unha delas para destinos máis pequenos.
Categorías:
Existen dúas categorías:
1ª categoría aberta a destinos de máís de 100 000 habitantes.
2ª categoría aberta a destinos de entre 25 000 e 100 000 habitantes.
Obxectivos:
O concurso Capital Europea do Turismo premia a destinos máis pequenos que implementasen estratexias ou medidas exitosas para impulsar o turismo sostible mediante prácticas innovadoras de transición ecolóxica.
O concurso tamén busca fomentar o intercambio de boas prácticas entre cidades europeas, identificando medidas transferibles que poidan funcionar en múltiples destinos.
Estas prácticas de transición ecolóxica deben estar relacionadas cun ou máis dos seguintes aspectos, aínda que esta lista non é exhaustiva:
• Xestión e protección dos recursos naturais no seu destino turístico, respectando plenamente o medio ambiente e a biodiversidade.
• Implementación de medidas de eficiencia de recursos e consumo máis sostible (por exemplo, residuos, auga, enerxía).
• Medidas destinadas a reducir a estacionalidade do turismo.
• Implementación dun plan para medir a sustentabilidade dos destinos turísticos.
• Implementación de medidas de adaptación ao cambio climático.
• Participación das comunidades locais, incluíndo a inclusión social, a través do turismo, conectando aos visitantes cos residentes (compartindo historia, gastronomía, protección da natureza, etc.)
• Desempeño económico equilibrado do turismo, incluíndo a distribución dos ingresos entre as comunidades locais, a contribución ao emprego local, a diversificación das economías locais e o reinvestimento dos ingresos turísticos no desenvolvemento local.
Premios:
O destino gañador do título de Capital Europea do Turismo 2027 recibirá apoio de persoas expertas en comunicación e marca para promover o seu destino nos medios de comunicación e en liña, unha escultura para o centro da súa cidade, un vídeo promocional que represente o seu destino e as prácticas de turismo sostible, e moitas outras accións promocionais da UE deseñadas para elevar o perfil da cidade e aumentar o número de visitantes.
Prazos:
Prazo de presentación de solicitudes: ata o 12/06/2026
Documentación e bases:
Documentos e información
Guía de solicitantes
Sede electrónica
Contacto:
Correo-e: info@smarttourismcapital.eu